Што прави денеска: Росица Мршиќ, модна дизајнерка
Нашата позната модна дизајнерка ни раскажа како изгледа едно нејзино деловно и приватно секојдневние.
„Денот го започнувам со утрински ритуал од кафе, цеден сок и некое мало слатко задоволство, а потоа го проверувам дневниот распоред и правам план на работните обврски.
Следи кратка прошетка со домашното милениче, после што се подготвувам за излегување.
Најчесто, првата дестинација е моето студио, каде што секојдневно се создаваат нови модни парчиња и каде што се среќавам со клиентите, место кое постојано е во динамика и секогаш се случува нешто креативно.
Откако почна со работа нашиот нов „шоу рум“ (изложбен простор) во новоотворениот „Ист Гејт мол“, тоа е мојата втора дестинација. Остатокот од работниот ден ми е најчесто во движење и завршување на дополнителните обврски.
Попладнето ми е резервирано за подготовка на квалитетен оброк и опуштање во домашна атмосфера.
А, вечерта е резервирана за прошетка, гледање на документарни филмови/серии и читање списанија и литература од мојата област…“