Што да правите по раскинувањето на долга врска или развод

Водичот е наменет за припадничките на женскиот пол, зашто мажите обично имаат поинакви играчки. Но, не е лошо и тие да го пробаат.

Разделбите се секогаш тешки, без разлика на тоа кој од кого се разделил, одеднаш голем дел од вашиот живот се менува. Секакви чувства можат да испливаат на површина, од тага до чувство на вина, жалење, збунетост, страв или осаменост. Но, сега сте препуштени сами на себе и изборот е ваш. Најчесто ако сакате да ја прекратите навиката, потребно е само да прекршите неколку „правила“.

Наместо да седите дома сами пред компјутерот или телевизорот и така да го трошите скапоценото време колку за да ви помине денот, сега имате доволно слободно време да почнете да учите некој нов странски јазик. Интензивен курс! Секој нов јазик е добредојден, ако не веднаш, ќе ви затреба во иднина. Се разбира, не може да очекувате дека преку ноќ ќе станете мајстор, на пример, за кинески јазик, но и доколку стигнете до нивото „основна комуникација“ веќе сте во предност. Или зошто на пример, да не научите да свирите на некој инструмент, да фотографирате или да јавате? Никогаш нема да зажалите за тоа што сте научиле нешто ново, но ќе зажалите за работите кои не сте пробале да ги направите.

Прочитајте и...  Храна што ви ја „краде“ енергијата: Обрнете внимание на начинот на кој се храните

Еве ги нашите 10 предлози што треба да направите кога ќе останете (повторно) сами.

1.

За време на викендот пробајте нешто од што ќе ви се поткрене адреналинот. На пример, качување на планина. За помалку смелите, возење ролерки во паркот е одлична идеја, супер релаксација и забава без разлика дали сте спретни во тоа или не. Половина од забавата всушност е во самиот обид да научите.

2.

Ако сте во можност, во последен миг и без посебен план отпатувајте во некој град во кој никогаш не сте биле.

3.

Телефонирајте им на пријателите со кои се немате слушнато со месеци. Обновете го контактот со старите пријатели со кои долго не сте се виделе и како во оние тинејџерски денови, заминете со нив на некој музички фестивал под отворено небо. Или, организирајте маскенбал, зошто да не и пижама-парти во вашиот дом.

Прочитајте и...  Антониа Гиговска со контра-став од нејзиниот колега Панчо: Го сакам моето тело и сега и кога ќе ослабам! (ФОТО)

4.

Ослободете се од сите потиснати емоции на тој начин што ќе ги „оставите“ на хартија. После тоа ќе се чувствувате неверојатно подобро.

5.

Направите список на будалести работи кои отсекогаш сте сакале да ги пробате, ама не сте имале време. На пример, како да играте бриџ, како да направите совршен коктел, како да фрлате бумеранг, како да летате хартиен змеј…Или, разбудете го дизајнерот во себе. Купите ткаенина и дизајнирајте ново парче гардероба. Обидете се барем по една работа да пречкртувате неделно од списокот.

6.

Расчистете сè што сметате дека е натрупано и непотребно во домот. Според принципите на древните кинески фенг-шуи правила, нередот го блокира протокот на нова енергија. Поместувањето на огледалото или креветот може да „повика“ добри нешта во вашиот живот. Без разлика дали верувате во фенг-шуи или не, здравиот разум ќе ви каже дека животот ви е полесен ако домот ви е уреден.

7.

Внесете весели бои во гардеробата. Можеби црната боја е елегантна, но избегнете ја. Ако сепак не можете да облечете цветна или шарена кошула, можеби би можеле да облечете црвени чевли или жолт шал.  Или „откачени“ очила за сонце.

Прочитајте и...  Ѕвездата на Дизни зад решетки: Го претепала момчето!

8.

Кога и да паднете во искушение да се сожалувате самите себе, веднаш почнете со некоја физичка активност. Теретана, фитнес или една прошетка на кејот, било-каква физичка активност од само 30-на минути го подигнува расположението и значително го намалува депресивното чувство. Најпосле вежбањето ја стимулира циркулацијата и чудесно делува на тенот.

9.

Бидете пребирливи. Правете работи само кои ви носат задоволство и минувајте го времето само со оние луѓе со кои навистина сакате да се дружите.

10.

Нека ви стане правило никогаш да не се каете за ништо и никогаш да не гледате наназад. Каењето е огромно расфрлување на енергија, а на него не можете ништо да градите туку само да се тркалате во лушпите на минатото. А луспи, нели, не ви требаат, туку плодови.

Прочитај повеќе

Ѕвездата на Дизни зад решетки: Го претепала момчето!

Слободен печат

Зорица Петрова, прва жена машиновозач во Македонија: Квалитетите на поединецот треба да бидат критериум за вработување

Јасмина Кантарџиева Димков

Кралицата Елизабета ѝ го честита роденденот на Меган Маркл

Слободен печат

Храна што ви ја „краде“ енергијата: Обрнете внимание на начинот на кој се храните

Слободен печат

Дали коронавирусот предизвикува стерилитет и дали мажите се позагрозени од жените?

Слободен печат

Бекамови ги разлутија соседите: Ги молат да престанат со преправање на имотот

Слободен печат

Остави Коментар

Прочитај повеќе

Хороскоп за 4 август: На Овните една порака ќе им го разубави денот, Рибите ќе добијат важна понуда

Слободен печат

Виц на денот – Црногорски вирус

Слободен печат

Мајка Далтон: Украинка (51) ископала тунел за да го извади синот од затвор, но и таа завршила зад решетки! (ВИДЕО)

Васко Спасоски

Ова е тајната на нејзината убавина: Манекенката Катарина Ивановска без проблем сподели ваква фотка! (ФОТО)

Васко Спасоски

Славната Тони Брекстон (52) младоликиот изглед го должи на вибратор: Детално објасни како го користи! (ВИДЕО)

Васко Спасоски

Кристијано Роналдо однапред, Георгина Родригез одзади: Погледнете какви фотки објави популарниот пар! (ФОТО)

Васко Спасоски