Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„The Last of the Mohicans“ – филм на Нетфликс

Кога Кора, ќерката на британски офицер, ќе се најде фатена во вкрстен оган за време на Француско-индијанската војна, Хокаи, човек посвоен од Мохиканците, мора да ја спаси.

Жанр: воен/акција / „IMDB“ оценка: 7.6 / „Rotten Tomatoes“ рејтинг: 88%

„Outlander“ – серија на Нетфликс

Клер Бошамп Рендал, медицинска сестра за време на Втората светска војна, мистериозно се враќа назад во времето, во Шкотска во 1743 година. Таму запознава харизматичен хајлендски воин и се вовлекува во епска бунтовничка борба.

Жанр: историска/фантазија / „IMDB“ оценка: 8.3 / „Rotten Tomatoes“ рејтинг: 91%

„Hidden Figures“ – филм на Ејч-би-о

Три афроамерикански математичарки одиграле клучна улога во лансирањето на астронаутот Џон Глен во орбитата. Во меѓувреме, тие морале да се справуваат и со расна и родова дискриминација на работното место.

Жанр: драма/историски / „IMDB“ оценка: 7.6 / „Rotten Tomatoes“ рејтинг: 83%

„The Gilded Age“ – серија на Ејч-би-о

Маријан Брук, девојка од провинција, се преселува во Њујорк по смртта на својот татко. Но, работите се комплицираат кога мора да се вклопи во семејството на еден железнички тајкун.

Жанр: драма / „IMDB“ оценка: 8.1 / „Rotten Tomatoes“ рејтинг: 89%