Како и секој петок се обидуваме да ви го олесниме одговорот на прашањето „Што да гледате на Нетфликс и Ејџ-би-о овој викенд?“.

Викендите се секогаш резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои со сигурност нема да ве остават рамнодушни.

„Leave No Trace“ – филм на Нетфликс

Откако животот на Вил и Том во шумата ќе биде нарушен, таткото и ќерката се обидуваат да се прилагодат на правилата на цивилизацијата. Додека Том учи нови вештини, стравовите на Вил постепено почнуваат да го обземаат.

Жанр: трилер/драма / „IMDB“ оценка: 7.1 / „Rotten Tomatoes“ рејтинг: 100%

„Long Story Short“ – серија на Нетфликс

Серијата ја следи заедничката историја на едно дисфункционално семејство, нивните интерни шеги и старите рани.

Жанр: анимирана серија за возрасни / „IMDB“ оценка: 7.6 / „Rotten Tomatoes“ рејтинг: 100%

„Turtles All the Way Down“ – филм на Ејч-би-о

Не е лесно да се биде Аза, но таа се труди да биде добра ќерка, добра пријателка и добра ученичка, додека се соочува со бескраен наплив од наметливи и опсесивни мисли што не може да ги контролира. Кога повторно се поврзува со Дејвис, својата симпатија од детството, Аза се соочува со суштински прашања за љубовта, среќата, пријателството и надежта.

Жанр: романса/драма / „IMDB“ оценка: 6.6 / „Rotten Tomatoes“ рејтинг: 85%

„DTF St. Louis“ – серија на Ејч-би-о

Љубовен триаголник меѓу тројца возрасни кои минуваат низ криза на средни години, што доведува до тоа еден од нив да заврши мртов.

Жанр: црна комедија / „IMDB“ оценка: 7 / „Rotten Tomatoes“ рејтинг: 88%