Македонскиот вицешампион, одбојкарскиот клуб Штип Угд настапот во Европа сезонава го заврши во 1/16 финалето од Челинџ купот откако во реваншот со 3:0 во сетови (25:18, 25:19, 25:17) загуби од Алијанц Милано на гостински терен.

Фаворизираниот италијански противник славеше и на првиот меч во Радовиш во три сета.

Алијанц Милано уште еднаш ја потврди фаворитската улога и со нов триумф во двомечот во осминафиналето, додека Штип УГД го заврши премиерното учество во европските клупски купови.

Одбојкарот на Штип УГД, Махди Задмард со 13 поени беше најефикасен играч на натпреварот, Стојан Илиев реализираше шест, а Стефан Алексов постигна пет поени.

На премиерата на европската сцена штипскиот состав до главната фаза од Челинџ купот стигна откако преку „златен сет“ го елиминираше Кол Ил од Норвешка.