Шпански актер уапсен на Филмскиот фестивал во Венеција: Обвинет е за сексуален напад
Шпанскиот актер Габриел Гевара, ѕвезда на филмот „My Fault“, беше уапсен за време на Филмскиот фестивал во Венеција, под обвинение за сексуален напад, пишува „Дејли мејл“.
Како што пренесуваат медиумите, за актерот е спроведена меѓународна потерница поради сексуален напад во Франција. Апсењето првично било објавено од венецискиот дневен весник „Ла Нуова Венеција“.
Полицијата во Италија го привела 22-годишниот Шпанец, во саботата на 2 септември, ден откако беше објавено дека ќе му биде врачена награда. Но, сè уште не се познати деталите од обвинението против него.
Споменатиот настан не е поврзан со програмата на филмскиот фестивал. Организаторите на наградата за најдобар филм изјавија дека превентивно ја суспендирале наградата, додека чекаат да се утврдат доказите против Гевара и да бидат целосно убедени дека правдата ќе го следи својот тек.
Апелациониот суд во Венеција се очекува да одлучи дали Гевара ќе биде екстрадиран од земјата.
Инаку, актерот Габриел Гевара не беше официјален гостин на 80. Филмски фестивал во Венеција, но беше најавено дека ќе присуствува на настанот за доделување на наградата, во хотелот „Екселсиор“.
Тој требаше да ја добие наградата за најдобар филм за меѓународна млада генерација, за улогата во филмот „My fault“. Габриел Гевара има милиони следбеници на социјалните мрежи, a глумеше и во тинејџерската серија „Scam“.
ФОТО | Славниот Италијанец шокираше со изборот на чевли во Венеција
ФОТО | Мајката на Рита Ора ѝ се развикала по „инцидентот“ со српското знаме, a сега се огласи
ФОТО | Сите очи вперени во адвокатката: Амал Клуни го донесе целиот гламур во Венеција