Како што пренесува „Кадена СЕР“, фудбалерот на Валенсија и соиграч на македонскиот репрезентативен голман Столе Димитриевски, Рафа Мир е уапсен поради сексуален напад на две девојки во неговиот дом во неделата вечерта.

Веднаш било пријавено во полиција, а двете девојки отишле и на лекарски преглед.

Шпанецот беше уапсен во понеделникот вечерта и моментално е во притвор.

Тој летово се врати во својот матичен клуб Валенсија како позајмен играч од Севиља, а оваа ситуација може многу да се одрази на неговата кариера.

– Во врска со медиумските извештаи кои се појавија во врска со апсењето на фудбалерот на Валенсија, Рафа Миро, ве известуваме дека клубот е запознаен со споменатото апсење. Во недостиг на детали за тоа, клубот засега може само да потврди дека ќе соработува во сѐ што може да бара правдата – пишува во официјалното соопштение на Валенсија.