Шпанија во дербито на втората фаза од СП во Кина ја победи Србија со 81:69 и си обезбеди полесен пат до финалето, за разлика од Србија за која патот до битката за титулата е далеку потежок со пресметки со Аргентина и САД.

– Шпанија не надигра во сите елементи од кошаркарската игра. Ова е тежок пораз, но одиме понатаму. Ќе биде многу потешко. Потребен ни е одмор за да го заборавиме поразот. Не можам да кажам дека се срамиме, но одигравме катастрофално. Можеме да ги обвинуваме судиите до утре, но ова е само наш пораз – изјави Немања Бјелица.

Слично размислува и капитенот Мирослав Радуљица.
– Шпанците не изненадија со цврстата игра, ние одигравме многу млако и ја држевме топката повеќе отколку што требаше. Одлично не прочитаа и ова ни е големо школо за продолжение на настапите на СП во Кина – вели Радуљица.