Богатата и славна наследничка Парис Хилтон откри за „Њујорк тајмс“ дека била жртва на сексуална злоупотреба во интернатот во „Прово Кањон“ во Јута, каде што поминала 11 месеци кога имала 16 години.

„Многу доцна навечер, околу три или четири часот наутро, мене и другите девојки нѐ носеа во соба и ни правеа прегледи. Дури ниту лекар не беше присутен. Имаше неколку различни членови на персоналот, нѐ ставаа на маса и ни правеа „гинеколошки прегледи“. И не знам што ни направија, но тоа дефинитивно не го правеше лекар и беше навистина страшно. Беше страшно и тоа е нешто што ме блокираше многу години. Но сега постојано се враќа и размислувам за тоа. Дури и денес, гледајќи наназад како возрасна личност, сфаќам дека тоа беше сексуална злоупотреба“, рекла Парис Хилтон, која тврди дека во интернатот ги принудувале на бизарни прегледи на грлото на матката.

„Ненаспиена и под силни лекови, не разбирав што се случува. Бев принудена да легнам на тапацирана маса, да ги раширам нозете и да се подложам на прегледи на грлото на матката. Плачев додека ме држеа и велев: „Не!“. Тие само велеа: „Замолчи. Потивко…“.

It’s known as the troubled teen industry. Spread across the U.S., these facilities and programs are supposed to help children with mental health and behavioral issues.

In reality, it is harming many of them. https://t.co/bCBYEdpVYm pic.twitter.com/qvm3LZ8oth

— New York Times Opinion (@nytopinion) October 11, 2022

„Важно е да зборувам за овие болни моменти за да можам да се излекувам и да помогнам ова злоставување да заврши“, рекла наследничката на империјата Хилтон.

„Ова беше искуство кое се повторува не само мене, туку и на другите кои го доживеале (мислејќи на последиците од траумата). Бев злоставувана и плачам додека го пишувам ова бидејќи никој, а особено дете, не треба да биде сексуално злоставувано. Украдено ми е детството и тоа ме убива. Ова сè уште им се случува на невини деца“, порачала таа на крајот.

За злоставувањето во училиштето зборуваа и други кои престојувале во истиот интернат, на видеото од Твитер може да се слушне и мајка чиј син бил жртва на насилство.

Управата на споменатото училиште сѐ уште не се огласила.

Ја чекаше за да не се разделат ниту момент: Картер Реум ја чекаше Парис Хилтон да ги облече нејзините 4 венчаници

Почна да ме тепа, морав да го повикам обезбедувањето: Поранешното момче на Парис Хилтон тврди дека не му дозволувала да ѝ раскине