Холандија ќе му врати на Египет скулптура стара околу 3.500 години што се појави на холандски саем на уметноста , изјави денеска премиерот Дик Шоф за време на посетата на земјата, каде што се сретна со египетскиот претседателот Абдел Фатах ел-Сиси.

Како што пренесува „Н1“, се верува дека артефактот, на кој е прикажан висок функционер од владеењето на фараонот Тутмос III (1479–1425 п.н.е.), бил украден и нелегално извезен, најверојатно за време на немирите што следеа по Арапската пролет во 2011 година, по што се појави на меѓународниот пазар на уметност.

Историскиот и културниот артефакт беше запленет на Холандскиот саем за уметност во Мастрихт во 2022 година, рече Шоф, откако властите добија анонимна дојава за неговото нелегално потекло.

Истрагата  на холандската полиција и инспекторатот за културно наследство потврдија дека скулптурата е украдена и нелегално изнесена од Египет.

Холандската влада соопшти дека очекува скулптурата да му биде предадена на египетскиот амбасадор во Холандија до крајот на оваа година.