Екипата на Шкупи денеска со емотивна порака преку социјалните мрежи се прости од својот поранешен тренер, Младен Жижовиќ, кој трагично го загуби животот вчера, откако му се слоши за време на натпреварот меѓу Младост Лучани и Раднички.

„Со длабока тага се збогуваме од нашиот поранешен тренер Младен Жижовиќ. Твојата посветеност, страст и лидерство секогаш ќе останат во нашите сеќавања. Засекогаш си дел од нашата историја“, стои во објавата на чаирскиот клуб.

Жижовиќ го презеде Шкупи на 9 септември 2023 година, како наследник на Џихат Арслан, и остана на клупата до 18 април 2024 година.

Во тој период тимот под негово водство одигра 21 натпревар, при што забележа 13 победи, шест ремија и само два пораза. По елиминацијата од Тиквеш во Купот на Македонија, клубот се реши за промена и на негово место беше назначен Ернест Ѓока, кој ја заврши сезоната.

Преземено од: Спорт.ком.мк

ВИДЕО: Поранешен тренер на Шкупи почина за време на меч во Србија, играчите и соработниците во шок