Поранешниот голман на репрезентацијата на Англија не може да го заборави историскиот момент на Светското првенство во Мексико 1986 година.

Питер Шилтон и по 34 години не може да се помири со тој погодок дефиниран како „Божја рака“ на Диего Армандо Марадона што значеше елиминација на Англичаните во четвртфиналето на Мундијалот.

– Како можеше да очекуваме такво нешто? Марадона скокна истовремено како и јас, обидувајќи се да ја фати топката. Тој знаеше дека не може да ја удри со глава, па ја испрати со раката во мрежата. Тоа беше гол надвор од сите правила, чиста измама. Тој се сврте за да ја види реакцијата на судијата која ја немаше и започна да го слави голот. Да не го постигнеше тој гол, немаше да следува ниту оној вториот, кој беше навистина брилијантен – рече Шилтон.

Меси тагува по смртта на Марадона: Диего е вечен, не остави, но не си заминува

Марадона почина во средата од срцев удар, а целиот свет со тага се збогува од него, што не е ни чудно бидејќи тој е еден од најдобрите фудбалери во историјата на фудбалот.

– Никогаш не се извини поради тој гол. Никогаш не рече дека мамел и дека му е жал, туку инсистираше на приказната дека тоа е „Божја рака”. Тоа не беше во ред од негова страна – додаде поранешниот голман на Англија.

Роналдо се прости од Марадона: Никој нема да ја пополни празината која ја остави Диего