Шерон Стоун: Роберт Де Ниро најдобро се бакнува! (ВИДЕО)
Шерон Стоун гостувајки во една емисија одговараше на прашањата поставени од гледачите, а едно од нив гласеше: Кој актер најдобро се бакнува? Се чини дека таа не мораше многу да размислува, бидејќи прилично беше сигурна во својот одговор.
„Роберт Де Ниро дефинитивно најдобро се бакнува. Да, Боб е далеку пред сите останати“, истакна Шерон.
Како што појасни, најверојатно дел од причината за ваквиот нејзин одговор е и тоа што таа имала големо почитување кон него и пред тие заедно да работат, пренесува британскиот „Mirror“.
„На него најмногу му се восхитував од сите актери. Цела кариера посакував да бидам како тој. Можеби и токму затоа бакнежот со него за мене беше врвен момент. Но бев и лудо заљубена во него како актер, па веројатно доколку ме удреше и со чекан во глава, ќе речев дека тој тоа најдобро го прави“, се пошегува таа.
Конкуренција на Де Ниро биле најголемите ликови од Холивуд, бидејќи секс иконата Шерон Стоун соработуваше и со ѕвезди како Силвестер Сталоне, Мајкл Даглас и Арнолд Шварценегер.
„Не можам било кој друг да го споредам со Де Ниро. Во споредба со него, се останато е млако“, изјави Шерон Стоун која со Де Ниро го сними незаборавниот филм „Казино“.