Шапекоенсе се врати во бразилската елита девет години по ужасната трагедија
Пред девет години, на 29 ноември 2016 година, светот беше шокиран од веста за авионската несреќа во која загинаа 19 играчи, 20 новинари, 14 членови на тренерскиот штаб, седум членови на екипажот, девет службени лица на клубот и двајца гости. Преживеаја само шест лица: тројца играчи, еден новинар и двајца членови на екипажот.
Препорачано
Ова се случи додека играчите на Шапекоенсе патуваа на натпревар од Копа Судамерика против Атлетико Насионал. По оваа трагедија, која е една од најголемите во светот на спортот, самиот клуб доживеа многу турбуленции од финансиски аспект, и мораше да се формира нов тим.
Во последен момент, речиси се спаси од испаѓање во третата лига на бразилскиот фудбал, Серија Ц, што речиси ќе значеше крај за овој клуб.
Сепак, оваа сезона беше неверојатна приказна, Шапекоенсе покажа врвни резултати и во последното 38 коло од Серија Б се врати во Серија А, најсилната лига на бразилскиот фудбал.
Шапекоенсе го победи Атлетико ГО дома со 1:0 и ја заврши сезоната на третото место со 62 бода, а со оглед на тоа што четирите првопласирани екипи одат во бразилската Серија А, следуваше голема радост кај играчите и навивачите на клубот.
INVASÃO DE CAMPO NA ARENA CONDÁ E NO MANGUEIRÃO!!!!!
CHAPECOENSE E REMO DE VOLTA NA SÉRIE A!!!!
FUTEBOL!!!!!! pic.twitter.com/670wKDPnBL
— VULGÃOᶜˢᵃ 🏳️🌈 (@VULGAOTT) November 23, 2025
