52-годишен жител на Велес е уапсен откако прво се јавил во полициска станица и ги омаловажувал полицајците, а кога тие се појавиле кај него во живо, продолжил да биде агресивен, соопшти МВР.

„На 07.02.2026 во 20:30 часот во Велес, полициски службеници од СВР Велес го приведоа М.У.(52) од Велес. Претходно, тој се јавил во полициска станица и ги омаловажувал полициските службеници, а потоа на улица „Јовче Тикваров“ во Велес, го нарушил јавниот ред и мир и агресивно се однесувал кон полициски службеници кои вршеле службени дејствија“, велат од полицијата.

Тестот на алкохол потврдил дека велешанецот бил многу пијан.

„При преземање мерки, кај М.У. биле измерени 3,06 промили алкохол во крвта. Тој бил задржан во полициска станица и по документирање на настанот против него ќе бидат поднесени соодветни пријави“, додаваат од МВР.