Сеп Блатер ја критикуваше ФИФА: Апсурдно е Мундијалот да се растури на ваков начин
Поранешниот претседател на ФИФА, Сеп Блатер ја критикуваше одлуката на Светската фудбалска организација Светското првенство во 2030 година да се одржи во шест земји на три континенти.
Мундијалот во оваа година ќе се игра во Мароко, Шпанија и Португалија, но првите натпревари ќе бидат одиграни во Уругвај, Аргентина и Парагвај по повод обележувањето на 100 години од првиот Мундијал на кој Уругвај беше домаќин.
Според Блатер кој беше претседател на ФИФА од 1998 до 2015 кога беше сменет поради корупција ова не е добра одлука.
„Апсурдно е Мундијалот да се растури на ваков начин. Завршницата на Светското првенство мора да биде компактен случај“, изјави Блатер за швајцарските медиуми, додавајќи дека ваквите промени не се добри за идентитетот на натпреварувањето.
Мислењето на Блатер е дека Мундијалот во 2030 година треба комплетно да се одржи во Јужна Америка.
„Од историски причини, Светското првенство во 2030 година би требало да се одрижи исклучиво во Јужна Америка“, заклучи Блатер.
Светското првенство во 2030 година ќе се одржи на три континенти