Светското првенство во 2030 година ќе се одржи на три континенти
Светското првенство во 2030 година ќе се одржи во Шпанија, Португалија и Мароко, но три натпревари ќе се играат и во Јужна Америка.
Со Мундијалот во 2030 година ќе биде одбележано 100 годишнината од Светското првенство, па ФИФА се одлучи за една посебна организација.
Кандидатурата официјално ја добија Мароко, Португалија и Шпанија. Но, по повод големиот јубилеј натпревари ќе се играат и во три земји во Јужна Америка (Уругвај, Аргентина и Парагвај).
Уругвај е најмногу важен во овој јубилеј бидејќи таму се одигра првиот Мундијал, токму затоа во оваа земја ќе се одигра првиот натпревар, а следните два во Аргентина и Парагвај.
„Во поделен свет, ФИФА и фудбалот се обединуваат. Собранието на ФИФА, кое го претставува цел свет, едногласно се сложи за 100-годишнината да прославиме на најсоодветен начин. Како резултат на тоа, првенството ќе се одиграат дуели во Уругвај, Аргентина и Парагвај“, изјави првиот човек на ФИФА, Џани Инфантино.