Сензација, Рома прими шест гола на гостувањето кај Бодо

Фудбалерите на Бодо го приредија најголемото изненадување во европските купови оваа сезона/ фото: EPA-EFE/Mats Torbergsen

Екипата на Бодо Глимт го направи најголемото изненадување во европските купови оваа сезона, декласирајќи ја Рома со неверојатни 6:1 во третото коло во Лигата на конференции.

Гол шоуто го отворија домашните фудбалери преку Ботем во осмата минута, а веќе во 20. минута беше 2:0 по голот на Берг. Единствено што Рома успеа да направи е да го намали резултатот преку Перез 28. минута.
Во второто полувреме, Норвежаните постигнаа уште четири гола, два беа дело на Ботем, и по еден на Солбакен и Пелегрино за неверојатни 6:1 и сигурно најголемо изненадување во европските купови оваа сезона.

Изненадувачки пораз доживеа и Тотенхем кој е поразен со 1:0 на гостувањето кај Витесе. Единствениот гол го постигна Витек во 78 минута.

Фаворитската улога ја оправдаа Феенорд кој на донашен терен со 3:1 го совлада Унион Берлин како и Рен кој славеше со 1:2 на гостувањето кај Мура.

 

Видео на денот