Сектор за инспекциски надзор на Општина Центар: Отстранети петте трафики на автобуската кај Зелено пазарче

Фото: mia.mk

Вкупно пет времено поставени објекти – трафики спроти поранешната Градска болница отстрани денеска Секторот за инспекциски работи на Општина Центар.

– Станува збор за пет времени објекти (четири киосци и една трафика), лоцирани на улица „11 Октомври”, на автобуската станица кај Зелен пазар, кои не поседуваат решенија за поставување на времен објект. Објектите со градежна механизација денес ќе бидат отстранети и трошоците за нивното отстранување ќе паднат на товар на инвеститорите, односно сопствениците на објектите, соопшти Општина Центар.

Откако инвеститорите, односно сопствениците на времено поставените објекти не постапиле по решенијата издадени од Секторот за инспекциски работи и сами не ги отстраниле објектите, Општината денеска пристапила кон административно присилно извршување, односно уривање и отстранување на објектите.

– Акцијата на Секторот за инспекциски работи за отстранување на нелегално поставените и изградени објекти ќе продолжи и во наредниот период, со која ќе бидат опфатени вкупно 18 објекти кои не поседуваат соодветна документација за истите, наведоа од Општина Центар.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот