-2 C
Скопје

Секој ден создаваме биоотпад: Време е да започнеме со компостирање!

Компостирање е активност која треба да биде „домашна задача“ на секој од нас. Не само што е одржлив начин за отстранување на остатоците од храна во кујната и градинарски отпад, туку е начин сами да си произведите природно ѓубриво.

Компостирањето е процес на враќање на органскиот материјал во почвата од каде што потекнува, повторување на кругот што се создава во природата.

Компостот се добива од разни видови органски отпад и тоа: лушпи од зеленчук и овошје, трева, лисја, слама, леб, суви растенија и гранки, нокти и влакна, талог од кафе и чај.  Кога сето тоа ќе се разложи, добиваме огрански хумус!

Не ви треба огромна градина за да почнете со компостирање, тоа може да го правите и во најмалата градина или балкон.

Прочитајте и...  ФОТО | Бизарно: Раперката ја ископала својата мртва мачка па ја зготвила

Кери Коноли, основачка на градинарско училиште во Северна Ирска објаснува дека домашниот компост е рециклирано добро што може да го користите за потхранување на вашите растенија.

Компостирањето е активност во текот на целата година. Според Кралското хортикултурно друштво, крајот на летото до почетокот на зимата е идеално време да почнете со правење компост.

Како да изберете добро место за компост?

Навистина е важно да се избере совршено место за компостирање. Најдобро е компостот да не го чувате некаде каде што има многу влага или многу промени во температурата. Затоа што микроорганизмите што го претвараат отпадот во компост претпочитаат постојани услови.

Најдобро е да изберете место каде има по малку сенка, „за да не се исуши во сончевите денови или да се раскашави во влажни временски услови“.

Прочитајте и...  Лили Ален прозборе за зависноста од опијати на „секси“ турнејата со Мајли Сајрус

Каков вид на канта за компостирање треба да користите?

Кантите за компостирање може да бидат во сите форми и големини, од пренаменети дрвени палети или стари буриња до компактни пластични канти. Во помалите канти процесот се одвива побавно за разлика од големите.

Чести проблеми со компостирање со лесни решенија:

Вашиот компост изгледа премногу сув или мувлосан? – додадете вода!

Се собираат муви и други инсекти? – Секогаш бирајте канта со капак, држете ја затворена!

Кога сме во финална фаза и имаме природно ѓубриво?

На компостот му е потребно време, затоа што природниот процес на скапување е бавен. Ќе бидат потребни од шест месеци до две години за да се добие зрел хумус. Неговата боја треба да стане темно кафеава со ронлива текстура налик на почва и мирис на влажна шума.

Прочитајте и...  Дневен хороскоп за 15 јануари: Не чувајте непотребни предмети и непотребни личности во вашиот живот

Кога ќе дојдете до таа фаза, органското ѓубриво може да го искористите за потхранување на вашите растенија, да го подарете на пријатели или едноставно да го истурите кај најблиското дрво или во најблискиот парк.

Поврзани вести

Вирален хит: Девојка го стави мобилниот телефон во микробранова печка и ја вклучи

Слободен Печат

ФОТО | Јелена Карлеуша ја обвини Кардашијан дека и го украла дизајнот: „Барем потпиши ме или прашај ме за соработка!“

Слободен печат

Кејт Мидлтон била „изненадена“ од подароците што го добила од Меган Маркл

Слободен Печат

Клучот од занданата во која починал Наполеон продаден за 92.000 евра

Слободен печат

Бен Афлек се сеќава на врската со Лопез: Луѓето беа толку злобни кон неа

Слободен Печат

ФОТО | Тврдеше дека неговиот дом е проколнат: Пејачот конечно го продаде луксузниот имот на кој се случувале морничави работи

Слободен печат

Остави Коментар