СЕХА: Еурофарм Работник немоќен во Мешков! – Слободен печат
РакометСпорт

СЕХА: Еурофарм Работник немоќен во Мешков!

Битолчани го претрпеа и вториот пораз во регионалното натпреварување овојпат на гостувањето во Белорусија кај Мешков Брест со резултат 31:22.

Уште од самиот старт Белорусите направија клучна серија од 6:1 во осмата минута од средбата, а во 19 минута негативата стана уште поголема „минус девет“ (13:4).

Во вториот дел не се промени нешто драстично на резултатски план, успеаја ракометарите на Алушовски да намалат и се доближат на 21:17, но тоа беше сè што направија во обидот да го направат мечот барем малку понеизвесен.

Повторно противникот се одлепи и ја зголеми позитивата која во самиот финиш беше дури и „двоцифрена“ (30:20).

Кај домаќините доминираа Микита Ваилпау со шест погодоци, по пет запишаа Артсјом Кулак и Андреј Јуринок. Во нашиот претставник крилото Гоце Ојлески со пет голови, Елмир Граџан, Мартин Велковски и Милан Ѓукиќ реализираа по четири.

На табелата во групата „Б“ води Веспрем со 12 бодови, пред Еурофарм Работник со девет, следуваат Мешков Брест и ППД Загреб со по шест, три има Метаплопластика, а без бодови е Спартак Москва.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close