Женската кошаркарска репрезентација по седми пат едноподруго го освои златниот медал на Олимписките игри и ја продолжи доминацијата на најголемиот спортски самит.
Американките во големото финале славеа над домаќинот Јапонија со 90:75.

Победата во финалето беше 55. триумф по ред Олимписките игри, а легендарните Сју Бирд и Дајана Тораси се запишаа во истопријата како единствени спортистки кои имаат по пет златни медали во екипните спортови.

The dynasty continues!#USA wins their seventh consecutive Olympic gold in the women’s #Basketball tournament!@FIBA @TeamUSA pic.twitter.com/a5zlPZBxgG

— Olympics (@Olympics) August 8, 2021

Кошаркарите на САД имаат и три титули по ред на Светските првенства, додека нивниот противник во финалето го оствари најголемиот успех, претходниот успех на јапонските кошаркарки беше петтото место на Игрите во Монтреал 1976 година.

Sue Bird & Diana Taurasi win their record 5th Olympic Gold Medals in a Kyrie 7 PE & LeBron 18 PE. pic.twitter.com/s0PTOndWRC

— Nick DePaula (@NickDePaula) August 8, 2021

Американките уште на стартот направија двоцифрена предност (16:5), но противникот успеваше да остане во игра се до средината на третата четвртина. Тогаш Американките заиграат поангажирано и многу брзо направија предност од 24 поени (73:49) со што ги решија дилемите околу победникот.

Бритни Грајнер беше најефикасна со 30 поени, Ејџа Билсон даде 19, додека Бриана Стјуарт имаше 14 поени и 15 скокови. Во селекцијата на Јапонија, Маки Такада даде 17 поени, а Нако Мотохаши уфрли 16 поени.
Бронзениот медал го освои селекцијата на Франција која вчера ја совлада Србија со 91:76.