Вероника Костовска беше единствениот претставник од Карате Федерацијата на Македонија на Светската Карате 1 Премиер лига што се одржува во Истанбул, Турција, од 23 до 25 јануари 2026 година.

Нашата натпреварувачка во категоријата сениорки жени до 61 килограм забележа три победи против Олександра Шолохова (Украина), Анастасија Семененко (Германија) и Анастасија Чупина (ВКФ).

Костовска во следната борба претрпе пораз против Ајжан Бакирова од Казахстан, по што во конечниот пласман го освои седмото место.

Со Вероника Костовска на ова престижно натпреварување беше и селекторот, а воедно и нејзин тренер Александар Кузмановски.

Овој голем карате-настан, кој овој викенд ги собра најдобрите судии и спортски авторитети. Нашата земја на овој настан ја претставуваа и судиите од Карате Федерацијата на Македонија, во состав Боби Војдиновски, Раде Стефановски и Валентина Пурдеска кои уште еднаш покажаа висок професионализам, интегритет и беспрекорна посветеност кон својата задача, достојно претставувајќи ја нашата држава на меѓународната сцена.