Покрај најавата за утрешниот натпревар против Ирска, селекторот Гоце Седлоски на денешната прес-конференција откри и дека разговарал со Стефан Ристовски и Аријан Адеми за нивно потенцијално враќање во репрезентацијата.

Можеби дел од јавноста кај нас очекуваше Ристовски кој имаше конфликт со Милевски да биде во составот по промената на селекторот, меѓутоа тоа не се случи.

Исто така го немаше ниту Аријан Адеми. Поради ситуацијата со Александар Трајковски кој одлучи да се повлече поради незадоволство, Седлоски зборуваше на оваа тема.

„За никого вратата на репрезентацијата не е затворена, разговарав со Стефан Ристовски и Аријан Адеми. Во јуни сигурно ќе мора да има новини и освежувања за она што следи во Лигата на Нации.. Кој не сака да игра за Македонија не можеме да го натерам да игра. Секој што е тука треба да знае дека игра за Македонија не за мене. Никој во првиот тим нема резервирано место со загарантирана минутажа“, изјави Седлоски.

Натпреварот со Ирска го играме утре во терминот од 20:45 часот.