Три автомобили изгореа во пожар што ноќеска избувнал во гаража во селото Батинци, Скопско, а при интервенцијата е повреден 48-годишен маж, информираат од Министерството за внатрешни работи.

Пожарот бил пријавен во СВР Скопје на 12 февруари 2026 година во 03:50 часот. Опожарени биле три возила – „ауди“, „фолксваген голф 7“ и „фолксваген голф 8“, сите со скопски регистарски таблички и во сопственост на две фирми од Скопје.

Екипа на Бригадата за противпожарна заштита на Град Скопје интервенирала на местото на настанот и успеала да го локализира и изгасне пожарот. При гаснењето со повреди се здобил 48-годишен жител на Батинци, кој бил пренесен на лекарски преглед.

Полицијата извршила увид на местото на настанот, а надлежните служби преземаат мерки за утврдување на причините за пожарот и за целосно расчистување на случајот.

ВИДЕО | Тешка несреќа на автопатот Куманово-Скопје: Изгореа камион и кола кај Хиподром