Се обновува хоризонталната и вертикалната сигнализација во Реонскиот центар

Општина Аеродром деновиве врши обележување и обновување на хоризонталната и вертикалната сигнализација на улиците и паркинзите во Реонски центар.

– Службите работеа на обновување на сигнализацијата пред основното училиште „Александар Македонски“ и градинката „Сонце“. Постојано работиме на подигање на безбедноста во сообраќајот и апелираме да се почитуваат пропишаните правила – апелираат од Општина Аеродром.

Деновиве, екипи на општината, работеа и на заменување на старите и оштетени канти за отпадоци во паркот „Јане Сандански“ со нови.

– Во периодот кој следува ќе биде извршена санација на клупите и другите елементи во овој парк. Апелираме до граѓаните на совесно однесување кон урбаната опрема и на фрлање на отпадот строго на обележаните места со цел зачувување на чистата и здрава животна средина – велат од оваа скопска Општина.

Видео на денот