Сантош: Роналдо резерва? Не читам и не гледам вести, јас одлучувам кој ќе игра
Во рамките од осминафиналето Португалија вечерва ќе игра против Швајцарија, а пред овој натпревар португалскиот весник „А Бола“ направи анкета со прашањето: Дали Роналдо треба да биде во стартниот тим?.
Најголем дел од одговорите во оваа анкета беа дека Роналдо треба да биде преселен на клупата. Само 29.5% од оние што учествувале во анкетата гласале со „да“, дури 70% сметале дека Роналдо треба да биде резерва.
Селекторот Фернандо Сантоиш пред натпреварот доби прашање од новинарите за оваа анкета.
„Не сакам да преземам одговосрност за тоа што мислат луѓето. Не читам и не гледам вести, тука немаме многу време и фокусиран сум само на тоа како тимот да биде подобро подготовен. Ќе излезам на теренот со она што јас сметам дека е најдобро за Португалија, откако сум тука секогаш мислата ми е само како да бидам корисен за репрезентацијата“, изјави португалскиот селектор.
Натпреварот Португалија и Швајцарија го играат вечерва од 20:00 часот, досега фаворитите во Катар ги оправдуваа улогите, а дали така ќе продолжат останува да видиме.