Американскиот претприемач Илон Маск достигна невидено ниво на богатство и сега, како што пишува „Форбс“, неговата вредност се проценува дека е околу 300 милијарди долари. 

По најавата дека компанијата за изнајмување автомобили „Херц“ ќе набави 100.000 возила на „Тесла“, чиј газда е Маск, нејзините акции скокнаа и за првпат надминаа една милијарда долари пазарна вредност со цена над 1.000 долари по акција.

Според проценките на „Форбс“, богатството на Маск е зголемено за 41,7 милијарди долари од затворањето на берзите во петокот. Така, сопствената нето вредност на Маск достигна рекордни височини. Со 271,3 милијарди долари по затворањето на пазарот во понеделникот, според Форбс, Маск е „побогат отколку што некогаш бил и веројатно најбогатиот човек што некогаш живеел на планетата“. Тој е исто така побогат од кој било милијардер што Форбс некогаш го регистрирал.

Блумберг вели 288,6 милијарди

Според „Блумберг“, богатството на Маск скокнало за 36 милијарди за само еден ден, што е најголемата еднодневна добивка досега забележана на нивниот индекс на милијардери. Според евиденцијата на „Блумберг“, нето богатството на Маск сега изнесува 288,6 милијарди долари, што е последица на спектакуларниот скок на акциите на „Тесла“ на Њујоршката берза за речиси 13 отсто, што ја надмина пазарната капитализација од една милијарда долари. 

Според Блумберг, личното богатство на Маск сега ја надминува пазарната вредност на Тојота за 282 милијарди долари, Џенерал Моторс (83,9 милијарди долари) и Форд (62,8 милијарди долари).

„Луди 1,0 трилиони долари“, напиша Маск на Твитер по затворањето на берзата. 

Wild $T1mes!

— Elon Musk (@elonmusk) October 25, 2021

Побогат од Закерберг, Пејџ и Безос

Според „Блумберг“, Маск сега е речиси 100 милијарди долари побогат од Џеф Безос, чие богатство при затворањето на Волстрит изнесуваше „банални“ 192,6 милијарди долари. Маск е побогат и од основачот и извршниот директор на „Фејсбук“, Марк Закерберг и коосновачот на „Гугл“, Лери Пејџ, кои на листата на „Форбс“ се на 6-то и 7-то место.

Тој уште во септември го надмина Џеф Безос на позицијата најбогат човек на светот.  

Маск потоа на „Твитер“ му додели на Безос „сребрен медал“. 

🥈

— Elon Musk (@elonmusk) October 11, 2021

Во спротивниот табор, богатството на Безос во понеделникот беше намалено за една милијарда долари откако акциите на „Амазон“ ослабнаа пред извештајот за заработката во третиот квартал.

Најголемиот победник на пандемијата

Маск е, се разбира, далеку побогат од просечниот Американец. Неговата нето вредност е два милиони пати поголема од онаа на просечниот Американец во 2019 година, според проценката на Американските Федерални резерви.

Форбс истакнува дека пандемијата го влоши јазот во приходите во САД и дека богатите слоеви на општеството стануваат уште побогати. Од јануари 2020 година до април 2021 година, американските милијардери станаа побогати за вкупно 1,2 трилиони долари.

А Маск е најголемиот добитник меѓу нив – пред две години „Форбс“ го процени на 19,9 милијарди, што е помалку од една десетина од неговата сегашна вредност. Покрај „Тесла“, „Форбс“ потсетува дека Маск има удел и во неговата приватна вселенска компанија „Спејс Екс“, чија вредност неодамна инвеститорите ја проценија на 74 милијарди долари. Неговиот удел во „Тесла“ е 21 отсто. 

Само 2% се доволни за да се реши гладта во светот

Директорот на Светската програма за храна на Обединетите нации, Дејвид Бисли, побара од „мала група екстремно богати поединци“ да помогнат во решавањето на проблемот со гладот ​​во светот со дел од нивната нето вредност. Тој во главно посочи на Елон Маск и Џеф Безос.

„Шест милијарди долари се доволни за помош на 42 милиони луѓе кои буквално ќе умрат ако не ги спасиме. Тоа воопшто не е комплицирано – истакна Бисли.  

Tоа е само два отсто од богатството на Маск. 

Маск го осуди даночниот план на Бајден

Извршниот директор на „Тесла“ го критикуваше предложениот данок на нереализирана добивка за милијардерите на американскиот претседател Џо Бајден, кој ќе ги таргетира ултра богатите претприемачи како што се тој и Безос.

Маск го осуди планот на демократите да ги оданочуваат милијардерите за да ја платат сметката за трошоците. Реагирајќи на објавата во која се критикува идејата за нов данок за милијардерите да плаќаат за планот на Бајден за социјалните услуги и борбата против климатските промени, Маск предвиде дека овој предлог за оданочување на богатите на крајот ќе се прошири на нови давачки за средната американска класа, пренесува Дејли Меил. 

„Тоа е точно. На крајот им снемуваат туѓи пари и потоа доаѓаат по нас“, изјави најбогатиот човек на светот на Твитер.  

Њујорк пост наведува дека предложениот данок веројатно би се однесувал на помалку од 1.000 најбогати Американци, а нереализираната добивка ќе се оданочува на имотот на милијардерите, како што се акциите и недвижностите. Имотот на луѓето во акции моментално се оданочува само кога ќе одлучат да ги продадат.

Exactly. Eventually, they run out of other people’s money and then they come for you.

— Elon Musk (@elonmusk) October 26, 2021

Републиканците долго време се противат на таквиот предлог

Маск, чие богатство речиси целосно се заснова на акции во неговите компании „Тесла“, „Спејс Екс“ и „Боринг“, би биле особено ранливи на новиот даночен план. Претходно оваа година, протечените даночни документи до кои дојде „ПроПублика“ покажаа дека Маск, Безос и другите милијардери во голема мера избегнувале да плаќаат даноци со тоа што најголемиот дел од своето богатство го задржувале во акции. Во таа прилика Маск изјави дека „всушност не зема плата“ од своите компании.

„Мојата компензација во готово е во суштина нула“ – рече тој во септември, додавајќи дека најголем дел од неговото богатство е во акциите на неговите компании, што му дава право да купува или продава акции на „Тесла“ и други компании по одредена цена.