Корисниците на Gmail и Оutlook добија предупредување од сајбер експертите дека постои можна нова измама која може да ги чини пари.

Хакерската тактика со која се служат овие измамници се таканаречени „предупредувачки“ мејлови за губење на антивирус заштита на вашиот компјутер – пишува „Express“

Електронската пошта има лажиран потпис на познати компании, со цел да ве убеди во приказната што се продава како „истечена претплата“.

Онлајн измамата оди дотаму што во еден од мејловите на компанијата „МcAfee“ се наведува дека претплатата на корисникот е истечена и треба истата да се обнови. Измамата пак, на мејловите на компанијата „Norton“ e различна – корисникот е предупреден дека компанијата автоматски ќе му наплати 500 долари за обнова на лиценцата, со опција за укинување на претплатата.

Доколку имате вакви мејлови во вашето сандаче на Gmail и Outlook, не двоумете се да ги избришете.