Соединетите Американски Држави објавија нови економски санкции против кубанскиот претседател, Мигел Дијаз-Канел и дел од неговото најблиско семејство, заедно со членовите на семејството Кастро, во најновото зголемување на притисокот на Вашингтон врз својот сосед, објави „Гардијан“.

Меѓу таргетираните се синот и внукот на поранешниот претседател Раул Кастро, кој повеќе не извршува официјална позиција, но останува клучна фигура во одлуките за иднината на островот.

Претседателот Мигел Дијаз-Канел, неговата сопруга и посинокот се исто така погодени од најновите санкции на Министерството за финансии издадени во четврток, како и Министерството за револуционерни вооружени сили и неколку други субјекти.

Трамп за Куба: Нема потреба од ескалација, тоа место се распаѓа

САД имаат ембарго врз Куба со децении, но американскиот претседател Доналд Трамп драстично го зголеми притисокот врз островот во последните месеци и отворено размислува за негово преземање.

Блокадата на горивото ја продлабочи енергетската криза на островот и ја погоди неговата веќе кревка економија.

Американскиот државен секретар, Марко Рубио, порача на X изјави дека САД „ја таргетираат мрежата што ги овозможува и финансира субверзивните и радикални операции на Куба“ бидејќи САД „веќе нема да толерираат радикални марксистички режими“ што ја извезуваат својата „отровна и зла „револуција““ во САД и на други места.

Рубио им понуди помош на Кубанците, тие го обвинија дека лаже

„Секој што им обезбедува услуги на овие санкционирани актери е изложен на ризик од санкции. Странските банки и другите компании што им обезбедуваат услуги на овие субјекти треба да ги замрзнат тие активности“, рече Рубио.

Најновите сакции на Министерството за финансии, исто така, следат по потегот во 2025 година кога Вашингтон ги ограничи визите за кубанскиот претседател и други високи владини функционери.

Трамп постојано сигнализираше дека кубанската влада би можела да биде следната по Венецуела што ќе падне под притисок на САД.

Директорот на ЦИА ѝ нуди 100 милиони долари на Куба, бара апсење на Раул Кастро