САД ги забранува летовите на кинеските авио компании
Забраната на американската администрација ќе се однесува на компаниите „Ер Чајна, Чајна истерн ерлајнс, Чајна саутерн ерлајнс, Хаинен ерлајнс“ како и за кинеските чартер компании.
Почнувајќи од 16. јуни САД воведуваат реципрочни мерки за забрана на летови на кинески компании кон Америка.
Тие исто така ќе извршат притисок на Пекинг да дозволи американски авио – компании повторно да летаат за Кина, соопшти американскиот секретаријат за сообраќај, пренесува лондонски „Гардијан“.
Забраната на американската администрација ќе се однесува на компаниите „Ер Чајна, Чајна истерн ерлајнс, Чајна саутерн ерлајнс, Хаинен ерлајнс“ како и за кинеските чартер компании.
Американската авио – компанија „Делта ерлајнс“ и „Јунајтед ерлајнс“ побарале дозвола од официјален Пекинг да ги обноват комерцијалните летови кон Кина, но до сега се уште не добиле одобрение од кинеските власти иако кинеските компании непрекинато сообраќаја во САД за време на пандемијата.
Во соопштението на компанијата „Делта ерлајнс“ се изразува благодарност и ги поддржува американските административци и активностите насочени кон изедначување на правото и фер односот. Кинеската амбасада во Вашингтон се уште не се огласила по ова прашање.