САД: Поранешен шеф на мртовечница на Харвард осуден на 8 години затвор за трговија со органи и тела
Поранешниот директор на мртовечницата на Медицинскиот факултет Харвард е осуден на осум години затвор за трговија со органи и човечки останки, објави американскиот правосуден систем во вторникот, пренесува Радио Њу Хемпшир.
Препорачано
Седрик Лоџ ( 58) и неговата сопруга Дениз Лоџ (65), која беше осудена на една година и еден ден затвор за посредување во продажба на украдени органи, беа уапсени во мај 2023 година.
U.S. Middle District Judge Matthew W. Brann went above the guidelines Tuesday when he sentenced Cedric and Denise Lodge of Manchester, New Hampshire. https://t.co/4Gf5whDqFM
— The Patriot-News (@PatriotNews) December 17, 2025
Седрик Лоџ, кој до мај 2023 година беше директор на мртовечницата на Медицинскиот факултет Харвард, беше обвинет за учество од 2018 до 2022 година во „национален круг на лица кои купувале и продавале човечки останки украдени од Харвард и мртовечница во Арканзас “, според федералните обвинители.
Раководителот на мртовечницата на престижниот универзитет, еден од најстарите во Соединетите Американски Држави и сместен во близина на Бостон, „крадел органи и делови од трупови што биле донирани на науката за медицински истражувања и образование, пред да бидат кремирани “.
Седрик Лоџ „отстранувал човечки остатоци, вклучувајќи органи, мозоци, кожа, раце, лица и глави, како и други делови од трупови што биле донирани за истражувачки и образовни цели“, се вели во соопштението на Министерството за правда.
Federal prosecutors have recommended that the court impose a 10-year prison sentence for former Harvard Medical School morgue manager Cedric Lodge following his admission to stealing and selling body parts from cadavers donated to the school. https://t.co/XPS0EwUycG pic.twitter.com/hgfpKeeFPU
— Law360 (@Law360) December 10, 2025
Тој ги зел останките „без знаење на неговиот работодавач, донаторот и семејството на донаторот“ и ги транспортирал во неговата резиденција во Њу Хемпшир.
„Откако ќе ги продадел останките заедно со неговата сопруга, Дениз Лоџ, тој ги испраќал до купувачи во други држави, или купувачот ги земал директно и ги транспортирал самиот“, соопшти одделот, нагласувајќи дека човечките останки биле „препродавани за профит“.
