Македонскиот и европски шампион има обврска да наоѓа замени за оние што си заминаа од клубот на крајот од сезоната.

Познато е тоа дека Писонеро е наследникот на Парондо на тренерската функција, а денеска официјално е промовирана и замената за голманот Милосављев.

– Вардар секогаш знаел да препознае квалитет во некој играч кој набрзо по доаѓањето во нашиот клуб веднаш станувал препознатлив на меѓународна сцена. Веруваме дека и со Артурс ќе биде исто, и ќе продолжи исто како и неговите претходници меѓу стативите на „црвено-црните“ – изјави Давор Стојаноски, извршниот директор на Вардар.

Неколку млади и талентирани репрезентативци и досегашни играчи на Металург се пред вратите на Вардар, за еден веќе се најавува наскоро да облече „црвениот-црниот“ дрес.

Треба да се пополнува на позицијата среден бек каде што во изминатите години лидер беше хрватскиот организатор на игра, Игор Карачиќ кој се пресели во Келце. Се шпекулира дека можно е неговата замена да биде поранешен ракометар на Металург, Павел Атман (32).

Атман е познат на нашата ракометна јавност и неговите силни удари во периодот од 2013-2015 год. кога ги бранеше боите на тимот од „Автокоманда“.

Потоа, направи трансфер Ел Џаиш, Мешков Брест, а последен клуб му беше Хановер Бургдорф, но го следеа и многу повреди, па и самите навивачи се скептични околу ваквиот евентуален трансфер.