Руската Федерална служба за безбедност (ФСБ) соопшти дека спречила терористички напад во градот Пјатигорск во Ставрополскиот регион и дека е пронајдена експлозивна направа кај државјанка на Германија, објави државната новинска агенција Тасс.

Според соопштението на ФСБ, уредот бил импровизирана експлозивна направа исполнета со шрапнели, со јачина еквивалентна на околу 1,5 килограми ТНТ. Службите тврдат дека постоел план експлозијата да биде активирана на далечина, при што бил вклучен и маж роден во 1997 година, кој според тврдењата на руските служби потекнува од Централна Азија.

ФСБ тврди дека цел на нападот бил објект на органите за спроведување на законот, а дека акцијата била планирана во утринските часови со цел да се предизвикаат поголем број жртви.

Во соопштението се наведува и дека операцијата била координирана од маж за кој руските служби тврдат дека е припадник на украинските специјални служби, кој се претставувал како член на меѓународна забранета терористичка организација. Според истите наводи, и тој е приведен.

Независна потврда на овие тврдења засега нема од украинска или германска страна.

Руските служби приведоа маж кој планирал терористички напад во Москва