Украина денеска на 23 октомври, извести дека примила илјада тела од Русија, за кои што Москва тврди дека се од паднати украински војници, пренесе „Киев Индепендент“.

-Во блиска иднина истражителите од безбедносните агенции и Министерството за внатрешни работи на Украина ќе ги спроведат сите потребни испитувања за да ги идентификуваат репатрираните тела, соопшти украинскиот центар за воени затвореници. 

Русија примила 31 тело од Украина, според рускиот Телеграм канал Астра.

Договорите за враќањето на телата на паднатите борци и размената на воени затвореници беше еден од опипливите резултати на руско-украинските мировни разговори во Истанбул меѓу мај и јули.

Најновата операција беше изведена заеднички од страна на координативниот центар, вооружените сили и безбедносната служба на Украина, канцеларијата на народниот правобранител и други тела со поддшка на Црвениот крст.

Според Украина, Русија повторно и повторно се обидувала да предаде тела на свои сопствени убиени војници и да ги презентира како украински, за на таков начин да ги скрие загубите од руската јавност.