Романски третолигаш доби нов стадион вреден 100 милиони евра (ФОТО)
Стеауа е најпознатиот и најтрофејниот тим во романскиот фудбал, кој поради финансиски проблеми сега игра во третата лига.
До 2018 година Стеауа доминираше во романскиот шампионат, но тогаш државата, односно романската армија го доби судскиот спор со тогашниот претседател на Стеауа, Џиџи Бекали кој сакаше да ја присвои историјата на фудбалскиот клуб.
Имено, Бекали сакаше да ги присвои историјата, односно трофеите, името и грбот, но не успеа бидејќи судот донесе одлука во корист на Армијата која ја основа Стеауа и ги задржа правата на името, историјата, амблемите и грбот.
Бекали тогаш ја формира екипата на ФЦСБ која игра во романската прва лига каде моментно се лидери, додека вистинската Стеауа поради финансиски проблеми се натпреварува во третата лига, а играчкиот кадар го сочинуваат аматери.
The new 100m euro Steaua stadium. pic.twitter.com/UgD1xlUm5t
— Emanuel Roşu (@Emishor) September 29, 2020
Со помош на романската армија и на неколку спонзори, се прават напори Стеауа повторно да биде силен и стабилен тим, а првиот чекор во тој проект е нов и модерен стадион.
Стеауа неодамна доби нов модерен стадион чија изградба чинеше 100 милиони евра, а наредниот месец че се одигра и првиот натпревар.
Капацитетот на стадионот е 31.000 седиште, а е изграден и клупски музеј каде бидат изложени сите трофеи кои ги освои Стеауа во минатото.