Родителите против дигиталните учебници во среда пред МОН ќе излезат со свои барања
Родителите, но и наставниците кои членуваат во групата „Учебници и настава мора да има“, а се против целосната дигитализација во образованието, во среда пред Министерството за образование и наука ќе ги соопштат своите барања.
– Пресот во среда пред МОН ќе ги каже сите наши идни дејствување. Таму ќе ги доставиме сите наши барања – вели Драгана Спасевска за „Слободен печат“, дипломиран воспитувач, која стои зад оваа група.
ВИДЕО АНКЕТА: Дел од граѓаните немаат доверба во електронските учебници
Родителите денеска треба да одржат онлајн состанок на кој ќе присуствуаат и наставници, педагози, психолози, а на кој ќе се одлучува за следните чекори на родителите.
Досега во групата се разгледуваа повеќе опции, како бојкот или протест, меѓутоа пред состанокот нема да бидат преземени никакви порадикални чекори.