Борусија Дортмунд одигра нерешено 3-3 против Сент Паули на гостински терен, но фудбалската драма беше засенета од инцидент кој го привлече вниманието по завршувањето на првото полувреме. Во центарот на случувањата се најде новото засилување на „милионерите“, Џоб Белингем, брат на ѕвездата на Реал Мадрид, Џуд Белингем.

Младиот англиски фудбалер беше стартер на овој натпревар, но не се појави на теренот во второто полувреме. Тренерот Нико Ковач одлучи да го замени со Нмеча, што очигледно не им се допаднало на родителите на Џоб, кои биле присутни на трибините.

Според информации од германските медиуми, по дознавањето дека нивниот син нема да игра до крајот на мечот, родителите на Белингем влегле во вербална, а наводно и физичка пресметка со стратегот на Дортмунд и тоа во тунелот на стадионот на Сент Паули. Наводно, родителите на фудбалерот добиле и забрана за влез во соблекувалната.

Помладиот Белингем ова лето се приклучи на Дортмунд од редовите на Сандерленд.

🚨 𝗕𝗥𝗘𝗔𝗞𝗜𝗡𝗚: Jobe Bellingham’s parent’s have been BANNED from Dortmund’s dressing room!

They were ANGRY after seeing their son being substituted at half time and were trying to confront the manager in the tunnel.

(Source: @MailSport) pic.twitter.com/ci3hi5u2Lx

— Transfer News Live (@DeadlineDayLive) August 25, 2025