Нашата фудбалска сениорска репрезентација го одржа првиот тренинг на Националната арена „Тодор Проески” во пресрет на дуелот со Словенија на 10 октомври од 20:45 часот, од квалификациите за Европското првенство кое ќе се игра следната година.

Селекторот Игор Ангеловски ги имаше на располагање сите репрезентативци на кои смета за престојниот меч кој е еден од најважните во квалификацискиот циклус.

Победата ни треба и само трите бода се во мислите на популарните „рисови“ кои имаат убава шанса во последните четири кола да се надминат себеси на патот кон историски пласман на еврошампионатот 2020 година.

Ослабени сме поради повредениот Енис Барди и суспендираниот Егзон Бејтулаи, а селекторот дополнително ги повика младиот Марио Младеновски од Вардар и Ѓорѓи Стоилов од Академија Пандев.

Повеќе информации околу цените на влезниците за натпреварот Македонија-Словенија на следниот ЛИНК