Ринго Стар ги повика луѓето да се прудружат на „движењето за мир и љубов“…

Легендарниот бубњар на „Битлси“ Ринго Стар доби илјадници роденденски честитки, а сигурно најпосебни беа двете пораки од Меѓународните вселенски станици (ISS) и Curiosity (rover) од Марс.

– Вау, ова се првите „мир и љубов“ од вселената – напиша во својот твит ѕвездата во одговорот на двете пораки од овие две вселенски станици.

Ринго Стар ги повика луѓето да се придружат на „движењето за мир и љубов“ со цел сите заедно да го прослават неговиот роденден.

– Моите колеги и јас испраќаме најискрени и најубави желби за роденденот. Вие сте музичка икона, вашата порака за мир и љубов со децении одекнува во светот – напиша американскиот астронаут од (ISS), Крис Кесиди во видеопораката.

Стар стана член на „Битлси“ на почетокот на 1960-те со Пол Мекартни, Џон Ленон и Џорџ Харисон. Освен Стар, Мекартни е уште едниот жив член на групата која се распадна на крајот на 1969 година.