Сите спортски екипи во светот се соочуваат со финансиска криза бидејќи натпреварувањата се прекинати и тие се приморани да ги намалуваат платите на своите спортисто. Во тоа не е исклучок ниту фудбалот каде кризата највеќе се одразува врз најбогатите и најголемите екипи.

Најголемиот извор на приходи за најголемите екипи се ТВ правата, а бидејќи нема натпревари нема ниту пари.

Поради тоа, неколкумесечната пауза може да значи и битка за егзистенција на екипите и поради тоа се почести се постапките каде се намалуваат платите.

Најголем дел од кратењата на платите се за 50 проценти, но има и примери каде намалувањето е дури 70 проценти.

Еден од најбогатите фудбалски тимови, ПСЖ смисли малку поинаков план во кој најпогодени ќе бидат најдоброплатените фудбалери и тој план веќе е доставен до челниците на француската Лига 1 бидејќи сметаат дека е најдобро решение за сите екипи.

Во ПСЖ одлучија 50 проценти помали плати да имаат најдоброплатените фудбалери, а во зависност од примањата, платите би се намалувале за по 10 проценти.
50% намалување за фудбалерите кои заработуваат повеќе од 100.000 евра месечно
40% намалување за фудбалерите кои заработуваат помеѓу 50.000 и 100.000 евра месечно
30% намалување за фудбалерите кои заработуваат помеѓу 20.000 и 50.000 евра месечно
20% намалување за фудбалерите кои заработуваат помеѓу 10.000 и 20.000 евра месечно
На фудбалерите кои заработуваат помалку од 10.000 евра месечно нема да им бидат намалени платите.

Најдоброплатен фудбалер на ПСЖ е Нејмар со 35 милиони евра годишна плата, додека Килијан Мбапе заработува 20.8 милиони евра годишно.