Десното репрезентативно крило го прави својот прв трансфер во странство, поточно во Швајцарија.

Мартин Поповски (25) досега ги бранеше боите на ракометниот клуб Тинекс Пролет, а од наредната сезона ќе ги брани боите на Амичитиа Цирих.

Оваа информација ја потврдија и од швајцарската екипа која информира дека нашиот ракометар потпиша договор на две години.

Започна во Текстилец, па продолжи во Вардар Јуниор, а со првиот тим на Вардар успеа и да се закити со титули во Лигата на шампионите.

Да додадеме уште дека пред два дена неговиот довчерашен клуб РК Тинекс Пролет објави дека прекинува со тренинзи поради епидемијата на коронавирусот.

– Останете дома, чувајте се и внимавајте на себе и на другите, тоа е единствениот начин да излеземе од ова заедно како победници – информираа од РК Пролет.