Делото на холандскиот уметник Винсент ван Гог „Портрет на селанка со бела капа“ е продадено на годишниот саем за уметност и антиквитети ТЕФАФ во Мастрихт за повеќе од 4,5 милиони евра.

Сликата е ставена на продажба од американската галерија „МС Рау“ од Њу Орлеанс, додека новиот сопственик, кој платил 4,57 милиони евра, е приватно лице кое поседува музеј надвор од Европа, но неговиот идентитет сè уште не е познат.

Платното, со димензии 63 x 48 см, е насликано околу 1884 година, кога уметникот живеел во Нуенен, село во кое се наоѓал домот на неговото семејство, каде што успеал да создаде поволна атмосфера за работа, а овој период се смета за пресвртница во негова работа.

Претходно, на 6 февруари беше најавено дека „Портрет на селанка во бела капа“ ќе биде ставен на продажба на саемот ТЕФАФ. Автентичноста на оваа слика е потврдена од музејот на Ван Гог во Амстердам, се наведува на веб-страницата на галеријата „МС Рау“.

Het schilderij Kop van een oude boerin met een witte muts van Vincent van Gogh is verkocht op de #Tefaf in Maastricht. De nieuwe eigenaar heeft ruim 4,5 miljoen euro betaald voor het portret. Het kunstwerk van #VanGogh is geschilderd rond 1884 in Nuenen. https://t.co/yvehHsCs3h

— SRC Reizen (@SRCreizen) March 10, 2024

Делата на Ван Гог обично постигнуваат високи цени.

На пример, во 2021 година, акварелот на овој сликар беше продаден на аукција во Њујорк за повеќе од 31 милион евра. Истата година, уште една негова слика беше продадена на аукција за 13 милиони евра. Тоа се однесуваше на никогаш претходно изложената слика што Ван Гог ја насликал во Париз во пролетта 1887 година, „Scene de Rue a Montmartre“.