Ако се чувствувате креативно за време на великиот пост и ви треба вкусен, заситувачки оброк подготвен без масло, задолжително пробајте ги овие посни ќофтиња.

Тие се направени со состојки што веројатно ги имате дома, а благодарение на зеленчукот и на зачините, имаат богат вкус и текстура на ќофтиња.

Велигденскиот пост, кој започна на 23 февруари, се почитува според правилата на воден пост, што значи дека многу инаку омилени јадења се строго забранети.

Состојки:

– 2,5 чаши леќа
– 2 средни моркови
– 1 компир
– 1 чаша лебни трошки
– 1 кромид
– 1 чешне лук
– слатка мелена пиперка
– 4 чаши вода
– сол и бибер по вкус
– магдонос по вкус

Подготовка:

Ставете ја леќата во тенџере, потоа сипете ја водата и во неа исечкајте го кромидот, лукот и компирот, а потоа изрендајте ги морковите.
Гответе на средна температура додека сè не омекне и течноста речиси целосно не испари.
Потоа додајте ги солта, биберот, мелената пиперка и ситно сечканиот магдонос, добро измешајте сè и, доколку е потребно, исцедете го вишокот течност.
Потоа постепено додавајте ги лебните трошки, додека не добиете смеса што може да се обликува со прстите.
Направете топчиња и наредете ги на плех обложен со хартија за печење.
Печете околу 20 минути во рерна претходно загреана на 200 степени, или додека ќофтињата не се цврсти и не добијат златно-кафеава боја.