Компирите се исклучително хранливи со оглед на тоа што се извор на витамини, минерали, растителни влакна и многу други хранливи материи.

Сигурно во вашиот нотес со рецепти има бројни што се прават од компири, но, никогаш не е доста од испробување нови. Денеска имаме интересен предлог за вас – пита од компири со сирење и со многу зачини, кои ќе ѝ дадат посебен вкус и арома.

Состојки:

– 1 кг компири
– 500 грама сирење
– 8 јајца
– 600 грама кромид
– 30 грама бибер
– 30 грама чубрика
– 30 грама нане
– 150 грама путер

Подготовка:

Измијте ги и излупете ги компирите, па изрендајте ги крупно. Кромидот исчистете го и исто така крупно изрендајте го.
Изматете ги јајцата, издробете го сирењето, а путерот растопете го на оган. Добро измешајте ги компирите, јајцата, кромидот, сирењето, зачините и путерот.
Сипете ја смесата во плех и печете во загреана рерна на 180 степени додека не добие златеста боја.
Добар апетит!