Мусаката од зелка е многу евтин и вкусен ручек за целото семејство.

Состојки:

– 1/2 главица зелка
– 200 г праз
– 1 пиперка
– 50-60 г ориз
– 400-500 г мелено месо
– 50 мл млеко
– 4-5 јајца
– масло, сол, зачини, бибер и 1 лажица алкохолен оцет од 9 отсто

Приготвување:

Во подлабоко тавче продинстајте ситно сечкан праз и пиперка, а потоа додајте ориз и месо. Ситно исечкајте ја зелката, па прелејте ја со оцет и потоа ставете ја во тавчето со месото, за да се продинста и таа.
Во длабока чинија изматете јајца и млеко, па додајте го тоа во смесата што се динста. Сето тоа добро измешајте го и зачинете го, па префрлете го во тепсија. Потпечете во загреана рерна на 200 степени околу 30 минути.
Додека пиете кафе, ручекот ќе ви биде готов!