Рецепт за лажна пица со тост леб: Појадок од состојки што ги имате дома
Пицата е едно од најпопуларните јадења во светот, но нејзината подготовка дома бара малку време. Доколку сакате да подготвите брзинско јадење, а подеднакво вкусно, тогаш ви предлагаме да направите лажна пица. Можете да додадете состојки по желба, како и зачини, а нашиот предлог се следниве состојки. За овој рецепт за лажна пица потребни се само 10 минути.
Состојки:
– тост леб
– путер
– кечап
– тврдо сирење
– пиперка
– кромид
– прстофат оригано
– прстофат лук во прав
– прстофат мелена пиперка
Подготовка:
Тост лебот премачкајте го со путер, па свртете го на другата страна и премачкајте со кечап. Посипете со рендано тврдо сирење и наредете сечкана пиперка и кромид. Потоа посолете, па посипете со оригано, мелена пиперка и лук во прав. Тост лепчињата ставете ги во чиста тава на страната каде што е путерот и покријте. Печете на ниска температура околу 5 минути.