Рецепт за евтин појадок – палачинка од јајца, компири и сирење
Појадокот е најважниот оброк, а сите често го прескокнуваат или појадуваат 2-3 стандардни јадења. Ако брзате, а сакате нешто квалитетно, вкусно и заситувачко, тогаш дефинитивно пробајте го овој рецепт. Потребни ви се 4 евтини состојки што сите ги сакаат, јајца, компири, сирење и млад кромид. Направете 2 лажни омлети, кои ќе ги наполните со сирење и еве го, фантастичен појадок што ќе го сакаат сите.
Состојки:
– 500 грама компири
– 3 јајца
– 1 лажичка скроб
– 1 китка млад кромид
– 200 грама тврдо сирење
Подготовка:
Компирите излупете ги и изрендајте ги, па измешајте ги со јајцата што претходно сте ги изматиле, исечканиот млад кромид, па посолете и зачинете. Сè добро измешајте. Во тавата сипете малку масло, а кога ќе се загрее, додајте половина од смесата со компирите и распоредете ја по целата тава. Можете и да го поклопите, а кога компирите ќе добијат златна боја на долната страна, свртете ги на другата страна со помош на шпатула. Пржете уште 2-3 минути, па извадете го од тавата. Во неа сипете уште малку масло, а потоа ставете ја другата половина од смесата со компири. Подгответе ги на ист начин како и првата половина од смесата. Кога ќе ја завртите „палачинката“ од компири на другата страна, посипете со рендано сирење и преклопете ја со првата „палачинка“ од компири (која ја извадивте во чинија). Оставете уште неколку минути во тавата и послужете.