Рецепт: Чоколадна торта од стар леб
Меѓу фаворитите од десерти што можат да се направат со стар леб е чоколадната торта. Може да се пече веднаш или да ја подготвите од вечер, па следниот ден да ја печете. Ќе биде сочна и вкусна.
Потребни состојки:
– десет кришки леб
– 150 гр темно чоколадо
– 430 мл слатка павлака
– 100 гр шеќер
– рум(по избор)
– 3 јајца
– путер
Подготовка:
Десет кришки леб исчистете ги од кората, па исечете ги на половина или на четвртини. Во сад стопете 150 грама темно чоколадо со 430 милилитри слатка павлака и 100 грама шеќер. Ако сакате во ова можете да додадете и малку рум. Изматете три јајца пенесто и прелејте ги со топлата, но не врела, чоколадна смеса. Огноотпорен сад измачкајте го добро со путер, па ставете малку од чоколадната смеса. Потоа наредете еден ред леб, па прелејте со чоколадо. Продолжете вака додека ги потрошите состојките. Најгоре завршете со ред чоколадна смеса. Треба целиот леб да е обложен со чоколадо. Нека се излади, потоа прекријте го садот со фолија и оставете го во фрижидер барем четири часа или преку ноќ. Печете половина час во рерна загреана на 180 степени. Лебот треба однадвор да биде лесно крцкав, а внатре кремаст и мек. Нека се излади десеттина минути па послужете го.
Друга опција е да користите крем-сирење, свежи јагоди, слатка павлака и јајца.