Интересен е и податокот што после првото полувреме Атлетико водеше против Реал со високи 5:0 на стадионот „Ист-Ратерфорд“ во Њу Џерси.

Двете екипи се наоѓаат на подготовки во САД, ја искористија можноста да одиграат контролен меч, но никој не веруваше дека ќе видиме дури 10 голови.

Уште во првата минута поведоа „јорганџиите“ преку Диего Коста, па зголеми новото засилување Жоао Феликс. Во листата на стрелците се запиша и Кореја, а веќе во првите 45 минути својот хет-трик веќе го комплетираше Коста.

Тука не застана, бидејќи постигна и четврти гол во вториот дел, а дури во 59 минута „кралевите“ го реализираа првиот погодок благодарение на Начо (6:1).

Diego costa and Carvajal Red card.

Diego doing what Diego’s do pic.twitter.com/pdO4itFfGu

— Blue Is The Color (@_piensky) July 27, 2019

Во 65 минута во физички судир се најдоа Карвахал и Диего Коста кои добија директни црвени картони. Карвахал најпрвин имаше груб прекршок врз Лемар, по што веднаш возврати и Коста.

За 7:1 се погрижи Витоло, а во финишот играчите на Зидан ја ублажија бламажата со погодоците на Бензема и Санчез.